Pagtapos ng lahat, dito lang pala mauuwi ang aking ipon. Nang dahil lamang sa isang butas na kalye na dala ng biglaang buhos ng malakas na ulan, mawawala din pala ang aking inipon. Sa isang iglap, kailangan ko nang bumili ng dalawang bagong goma — isa para kapalit noong nabiyak at isa para sa reserbang sira. Kailangan ko pa ring ipaayos ang suspension, wheel alignment at balance, na bumigay na. At kung talagang mamalasin, palagay ko’y pati ang mags ay may tama. Putang inang buhay ito.

Sa kabilang banda, ako’y nagpapasalamat pa rin at hindi ako nawalan ng kontrol at kumabig ang manibela tumbok ang poste, na pumutok ang aking gulong sa harap ng simbahan na may nagmimisa at hindi sa isang madilim na lugar, na kumpleto pa ang aking gamit sa kotse para mapalitan ang gulong, Na meron pa rin akong reserbang maipapalit. Maraming salamat po.