Nagising ang bahay sa isang mabahong amoy. Parang merong nabubulok. Parang merong namatay. Hinalughog namin ang taas at ang baba hanggang makita namin ang labi ng isang mayang walang buhay na nakasiksik sa pagitan ng dalawang maleta.

Nakakatakot isipin ngunit nagsisilbing isang malaking pangitain ba ito sa maaaring mangyari bukas sa aking paglipad? Tinadhana na yata ito kung gayon. Isang mapait na katotohanan ang pagkilala sa katapusan. Ni hindi man lang ako binigyan ng pagkakataong pumili at magpasya.